LÜER RUKA ÑI RUPAN
Tati Lüer ruka
Tüfachi ruka yeniey doy pataka tripantu Valdivia mew. Feychi mu ta fantepu mew tremi ti waria ka kaletuy puche ñi wimtun, kafey muley doy deporte. Tüfachi Lüer ruka Baskebol ñi ruka ka pingekefuy. Afmatufali tüfachi ruka, rakiduamelkeyiñmu chumngechi felekefuy mongen kuyfi mu. Fachantu feytachi ruka museo ngetuy, fey doy fali pu Valdivia che ñi adkiñ mu.
Tüfachi ruka mülefuy tati Picarte pingechi rüpü mu dewmaeyew Alberto Lüer ka Julia Czischke, feyengu epu Aleman che, akuyngu Chile mew 1857 tripantu mu tañi pu reñma engün.
Trawünwe ruka pu Basqueboltufe Valdivia mew
1966 puwlu ta 1995 tripantu pule, tüfachi ruka kaletuy, fey kimniengefuy tati Trawünwe ruka pu Basqueboltufe Valdivia mew, tüfachi deporte rume falingey willi mapu mew ka rume falintukeyew pu Valdivia che, feyengün fentren rupa wewkelu kay.
Montulngelu ti Lüer ruka
1997 tripantu mu pu Valdivia che eluwingün ñi doy küme adkünual fillke rüpü üyew, fey feypingün ñi teyfüngeal feychi ruka. Welu mülefuy kiñe sacerdote kümeke rakiduam nielu, benedictino Gabriel Guarda Geywitz pingefuy arquitecto ka historiador ngefuy ka, fey ñi duam mu montulngey tüfachi ruka.
Feymu kuñiwünkechi witrampüramngey ti ruka, fey kom tañi katruntuku, ka ñi puerta ka kakelu dungu guardakünungey doy 20 tripantu.
Wiño dewmangetulu ti Lüer ruka
Teyfüngelu tüfachi ruka ngüneduamiyiñ ñi nien kümeke mamüll, tüfa ta kiñeke: tañi piso triwe engu raulí dewmangey, ñi estructura gruesa koyam mamüll dewmangey ka ñi techo ponwitu mañiu mu dewmangey.
Tati puerta ñochikechi nentungefuy rume falilu am, fey tukupufi ti we museo mu. Welu ti cercha techumbre mew ka ti escalera mülelu ponwi mu wedañmawi, fey ka wiño dewmangetuyengu ñi trürküleal tati kuyfi ngelu.
LÜER RUKA ÑI RUPAN
Tati museo Telecomunicaciones mew
Dew rupalu ñi teyfüngen tüfachi ruka picarte pingechi calle mew, kom ti puerta, ventana ka pared yengey ka mülewe mew tañi wiño dewmangetual, fey kiñe museo ngetuy, femngechi mu tüfachi museo kiñe testicuo reke feley adkintulelu chumngechi tremkülerpukey tati telecomunicación ka chemu falintufali kom pu mülelu willi mapu pule.
LÜER RUKA ÑI RUPAN
Telefónica del Sur
Tüfachi museo ka ti Centro Extensión Telsur mew dewmaeyew Telefónica del Sur mu, feyengün kullituy ñi müleal.
18 konchi mayo küyen 2022 tripantu mu tüfachi museo nülay ñi puerta kom puche mu. Ti ñidol Juan Manuel Casanueva Préndez fey tati presidente Telefónica del Sur mew.
